(Hadani Had)
Takisah, hal ihwal urang bahari
Marudai, Banjarbaru tu kuta idaman
Kutanya paruna, nyaman dijajak
Handak kamana tujuan,
Handak bakarasmin?
Datang ka Murjani
Handak bamamakan
Datang ka Pujasera Minggu raya
Sampai kanyang kah
Sampai buntau parut
Murah haja harganya
Nah , munnya ikam handak tahu jua
Dimana urang nang maudak sani budaya
Tu nah, datangi di panggung bulat Mingguraya
Kada takisah tu pang
Rami banar,
Bubuhannya disitu
Banyak suhunya,
Ada nang barucau masalah sastra
Ada nang barucau mamanda
Musik panting gin
Di bahas jua
Pukuknya rami banar tu pang
Ujar Julak Dudun mangisahi lawan palui
Di Banjarbaru tu
Masyarakatnya rakat mufakat
Kutanya barasih
Bagus,
Maangkat budaya
Banyak budaya
Handak budaya apa?
Banjar kah
Jawakah
Banyak tu pang
Jadi wajar haja
Kuta Banjarbaru digalari urang
Kuta Idaman
Ayu kita lakas datangan kasana
Insyaallah dapat haja nang di cari.
(Tanjung, 18 Oktober 2012)
Hadani Had, Lahir di Puntik Luar 14 Januari 1990, alamat Tanjung
Tidak ada komentar:
Posting Komentar