TEATER NANANG KLELEPON

TEATER NANANG KLELEPON

NANANG KLELEPON HANDAK BABINI

KARYA : DENNY SETIAWAN RADAR BANJARMASIN

ADAPTASI : HADANI HAD

Dramatic Personal

1.  Nanang Klelepon

2.  Ipin Jambul

3.  Madi gabuk

4.  Julak Dudun

5.  Suanang Burut

6.  Isur Saluang

7.  Aluh Piyay

8.  Aluh Inaw

9.  Aluh Akay

INTRUDUKSI

Pade In

Lampu padam, kemudian menyala mendadak dan didiringi music dangdut, pemain masuk satu persatu dengan goyangan mengiringi music. Ada yang mabuk satu orang dan sampai lupa diri.

Semua pemain masuk dengan menyanyikan lagu Andeca Andeci seterusnya

Nanang Klelepon

: Jalan-jalan ya nona kekalimantan (lalalalalala)   Kekalimantan ya nona mencari bini   Baiklah penonton sekarang kami kenalkan   Kami ini ya nona dari Sanggar Ar-Rumi (Andeca andeci) Jalan-jalan ya nona kekalimantan Kekalimantan yanona mencari mantan Baiklah penonton sekarang kami katakan Nang kami pentaskan Teater nanang klelepon Andeca Andeci)

Masuk Aluh Inaw marah-marah

Aluh Inaw

: Ah, sudah-sudah abahnya ae, haur bapantun ha tarus, padahakan ja Naskah ini Karya Abang Denny Setiawan, Adaftasi Hadani Had Habis kesah (keluar sambil menjewer telinga nanang klelepon).

Babak I

Suasana warung malam, ada penjual yang sedang bersih-bersih seolah-olah warung itu sudah lama tidak jualan

Ipin Jambul	: Lawas kada mangaluar pada sarang, asa baputih awak, tapi pang jajualan pina badabu, kayapa ini, maka sudah manggajih argawai saikung, cewe ha pulang, harusnya barasih, tapi kada papa pang, bungas pang urangnya, uy urangnya handak tahulah urangnya, padahikah kadakah yu, mmmmmmmmmm. Padahi ja gen nah lah, ngarannya aluh akay, aku padahal manaksir jua pang lawan inya, tapi supan pang bapadah, sorang kan pujangganya dikampung ini, tahulah penonton, semalam inya suah manimbak auk, tapi auk tolak, iya menimbak aku keini nah (mencontohkan dengan mengeluarkan pistol) door ( aluh akay masuk, ipin jambul menoleh) ieh ada aluh akay sakalinya
Aluh Akay	: Akayahai…. Napa jar pian tadi paman, pian tu sudah tuha, sudah babu tanah, handak lawan ulun nang bungas ini lah, bapikir sadikit, bawa bajikir.
Ipin jambul	: Jar siapa aku tuha
Madi gabuk	: jarku, ikam tu sudah tuha, sudah parak satangah abad dah,
Aluh akay	: (tertawa)
Madi gabuk	: Hay aluh akay, boleh batakunlah
Aluh Akay	: batakun apa pian, bolehai
Madi gabuk	: Abah Pian Tukang listrikkah
Aluh Akay	: Ko tau
Madi Gabuk	: Soalnya, hatiku rasa tesetrum pas malihat ikam,
Aluh Aky	: Akayahai Pian neh
Ipin Jambul	: Bah ikam digumbali madi gabuk
Madi Gabuk	: Tapi Inya katuju
Ipin Jambul	: Aku gen bisa, luh akay, tahulah pian didunia nei ada tiga yang manis
Aluh Aky	: kada tahu, yang pertama
Ipin Jambul	: Gula
Aluh Aky	: kEDUA
Ipin Jambul	: Tebu
Aluh Aky	: Ketiga
Ipin jambul	: Pian
Aluh Aky	: Akayahai pian neh
Ipin jambul	: Batakun pulang, cita-cita pian napa
Aluh Aky	: lagi halus tu handak jadi pramugari pang, nyaman kawa membawa mama naik haji
Ipin jambul	: Tahulah, cita-cita ulun apa, (aluh akay mengangguk) memasang cincin dijari manis pian.
Aluh Aky	: (muntah)
Madi gabuk	: han ikam, marusak acara haja

Dari luar masuk aluh kaciput dan aluh piyay

Aluh Kaciput	: Hayu, pa anang badua nie, ba apaan pina marayu banar wan kawan ulun
Ipin jambul	: Iehhhh, Aluh kaciput, baapa ikam, handak kemana wan sibungas langkar ku neh
Aluh Aky	: han, tadi hanyar marayu ulun, aluh piyay pulang digumbali
Aluh piyay	: Bah jua, tuha-tuha ngintu, kada livel lalu, You You End (menunjuk kemadi dan ipin) put, kay, yu  kita bulukan, kena tajangkit kada bungas
Aluh Akay	: Yuyuyu (jijik)

Aluh akay, aluh kaciput, aluh piyay meninggalkan madi dan ipin

Madi Gabuk	: Ini semua gara-gara ikam pinai, habis aluh piyay meninggalkan aku
Ipin Jambul	: Muha nyawa, siapa yang bahadulu marayu aluh akay. Aja sudah nyawa bajauh sana, maulah unda panas haja
Madi Gabuk	: Apa maksud nyawa pin, maulah haulkah wan madi gabuk, jangan macam-macamlah, muha kaya kuracak bidawang
Ipin	: baik unda klo muha padanyawa, nyawa kaya ancak rumbih
Madi Gabuk	: Wani lah nyawa,
Ipin	: Nyawa piker unda takutan

Tiba-tiba masuk nanang klelepon langsung melerai mereka berdua

Nanang Klelepon	: Sabar, sabar….. handak beapa nih, pina handak basaung (memperhatikan) Cagaran rami nih, ayu, pukul tinjak, madi hantam, ipin, iya……………………….(ipin dan madi heran)
Ipin	: Beapa nyawa nang, pina kaya urang kahimungan itu ha lagi
Madi Gabuk	: Nyawa mabukkah
Nanang	: Bahapal nya nih, masin banar, unda nie lagi himung malam tadi batamu wan carly ST 12
Madi & ipin	: Dimana
Nanang	: Di sisni nih (menunjuk kehidung)
Ipin	: Binuhung karing nih, katuju banar ma hapaki kakawanan nang tuha
Madi	: Hammmm, mangaku tuha klo nyawa pin
Nanang	: Aja, sama-sama tuha, kada usah barabut tuha, jangan basambatan kada baik, pin ulahkan kupi pang
Madi	: Unda kupi jua (julak dudun Masuk) nah ini ulak yang ditunggu-tunggu dating, (menarik julak dudun) kayapa julak, bisnis kita lancer haja klo
Julak	: Bisnis apa
Madi	: Urusan mandatangakan wan aluh piyay, adingnya isur saluwang, ulun handak banar dah kawin,
julak	: Oh masalah itu sip dah, pokoknya ikam tenang ja.
madi	: Nah mun damitu, ulun bulik’ai julak’ai. Uy buhannya, unda badahulu lah. Barelaan.
ipin	: Uy, hutang nyawa bayari lah, kupi nyawa kaya pa?
madi	: Simpaniakan dulu, kena unda babulik haja
ipin	: Dasar waluh bajarang. Julak  kayapa nang sumalam
julak	: Nang mana (ipin mambisiki julak) sip haja. Tapi ikam baurusan wan nanang lah…
nanang	: Ai, jangan kau buat diriku dalam masalah kalian aku tak mau ikut campur
ipin	: Muha nyawa gonal
nanang	: Dari pada nyawa karacak bidawang
julak	: Sudah2, aja sini nang. (menarik ke pinggir)
nanang	: Ai pina kaya gawat banar nah
julak	: Unda nie asa mauk kepala, nyawa tahu kah wan sie aluh piyay? Ading isur saluang nang bujang tuh
nanang	: Hiih, tahuai ulun, ada apa dengannya gerangan?
julak	: Di kampong kita ni, ada dua kakawalan nang handak wan inya, tumatan bahari marabutakan aluh piyay
nanang	: Limbah pang nangapa urusannya wan pian, kanapa jadi pina mauk?
julak	: Kayapa unda kada mauk, mun pada2nya minta surungakan wan unda badudua
nanang	: Siapa2 yang pian maksud lak?
Julak	: "Astagaaaa......pina musti nyawa ngini manyahuti pamandiran unda. Unda kira tahu, sakalinya ujung-ujungnya batakun jua. Unda bakisah, tapi nyawa bahinip haja lah, kaina unda ngalih wan papadaan jua. Jadi nang unda maksud kakawalan ngitu, sa-ikung si Madi Gabuk, sa-ikungnya Ifin Jambul
Nanang	: Bah muha nang kada kawa dipalar ngintu handak basurung wan Aluh Piyai. Si Aluh Piyai sing langkaran, jangan hakun lakai, mambari supan haja
Julak	: Itu jua nang unda maksud, cuba lihatin yawa, itihi bujur-bujur. Si Ifin Jambul, awak kurus, hirang, gigi kada tapi banyak lagi ba-isi, umur parak satangah abad, kayapa kada manyupani lamun disurung-akan. Lamun si Madi Gabuk, bujur haja awak putih, pada hal panau wara, tapi pina lamak kada bagizi, jaka lamak pisit bagus jua. Kapala kada barambut, timbul si Aluh Piyai bukah lamun unda mandatang-akan (dibaca malamar, red) si Madi Gabuk.
Nanang	: Hiih lakai, bjur banar tu, lalu pang lak
Julak	: Lalu, lau, lau lintas, kanapa nyawa kada sing pahaman, Maksud unda, kayapa caranya unda mamadahi Ifin Jambul atawa Madi Gabuk, kalu unda ngini kada sanggup mandatang-akan, masalahnya ya nang tadi. Tapi unda kada handak bapadah sabujurnya, kaina tasinggung buhan Ifin Jambul wan Madi Gabuk, tulungi unda lah, unda kada nyaman
Nanang	: Mun keitu kesahnya tenang ja lakai, selama ada ulun urusan pasti lancer (nanang dan julak kembali ke kursi)
Madi	: Kayapa julak masalah bisnis kita samalam,
Nanang	: Julak pin unda buliklah, kopi masuk bon dahulu
Madi	: Bah, nyawa lah nang, (ke julak) kaya pa julak, sudahlah pian urusakan
Julak	: Masalah nyawa tenang haja, nyawa urus haja wan nanang klelepon wan suanang burut
Ipin	: Kayapa tu lak, naglih urusannya,
Julak	: Tenang haja ikam, aku jamin beres
Suanang Burut	: (muncul) Assalamualaikum
Julak Ipin	: Waalaikum salam (ipin menuntun julak)
Ipin	: Bepa pian suanang (Aluh Inau Masuk)
Suanang	: Bejalanan aja (bersalaman dengan julak)
Julak	: Aja, unda handak bulik suananglah, bini mahadang dirumah,
Suanang	: Aja, nyamanai situ bisi bini dirumah, unda makaam masih jumble
Julak	: Hahahahahahaaaaaa, ok de, mudahan dapat jodoh aja.(julak keluar, anamg masuk)
Nanang	: Waalaikum salam, assalamualaikum….
Suanang	: Knapa nyawa nang, meulut-ulut unda kah,
Naanag	: Han suanang, keitu lho
Ipin	: Nah, pas pucuk di tunggu ulaman tiba, kayapa nang, nyawa hakun lho maurusakan unda
nanang	: Oh...masalah ngitu kah? Ada-ai sumalam Julak Dudun bapasan. Ayuha kaina unda mandatangakan wan Aluh Piyai. Kaina unda minta ganii wan Suwanang Burut
Ipin	: Alhamdulillah...tarima kasih banar Nang-ai. Asa tacabut sasuban unda. Kadapapa pang, kalu tadahulu Madi Gabuk banar-ai badatang, soalnya si Madi Gabuk malelek banar jua sudah wan Aluh Piyai. Lamun nyawa kawa mandatang-akan unda himung banar Nang-ai, sukur-sukur ditarima kakanya Aluh Piyai si Isur Saluang. Lamun sawat kawa mandatang-akan haja gin, apa haja kahandak nyawa unda sanggupi
Nanang	: hakun haja klo pian suanang
Suaanag	: Akur haja nangai unda, asal makan gratis haja
Nanang	: Unda kada bajanji kawa ditarima Mbul-lah, unda ba-usaha manggamati si Isur Saluang. Tapi lamun kada ditarima pang, nyawa tatap haja mamgabulakan kahandak unda lah?
Ipin	: Hiih kaina unda kabulakan jua, asal si Aluh Piyai kada manarima si Madi Gabuk jua, (madi masuk)
Madi	: Napa jar nyawa pin, manyambat nagaran unda
Ipin	: Kada papa Bug kai
Madi	: Kaloae tadi, nah pas tatamu nyawa nangai, unda tadi karumah mancari nyawa, sakalinya tadapat dirumah sini
Nanang	: Unda tahu haja masalah nyawa, pkonya tenang haja, tenang, nyawa bug sip, Ngitu masalah halus haja Buk-ai. Kaina unda ma-urusakan wan marina unda Suwanang Burut. Suwanang Burut taharat bapandir
Madi	: Alhamdulillaaah.....uma-uma tarima kasih banar Nang-ai. Kaina lamun nyawa kawa bapadah mandatanga-kan unda wan Aluh Piyai, nyawa handak nangapa haja unda kabulakan
Nanang	: Lamun kada ditarima pang, tatap nyawa kabulakan lah kahandak unda
Madi	: Hiih unda kabulakan jua, asal syaratnya nyawa kawa ma-ulah Ifin Jambul kada ditarima jua badatang
Nanang	: Nyawa jangan bakesahlah wan jambul unda maurusakan nyawa, pkonya unda bepihak wan nyawa. Mun keitu aja unda bulik kai lah, suanang kita bulikan yu, sadang dah kita karumah bulikan

Suanang dan nanang pulang kerumah isur saluwang,

Kejadian dirumah isur saluwang,

Isur saluwang	: Hau...ada nangapa nih malam-malam nyawa ba-ilang ka sini wan Suwanang?
Nanang	: Kadapapa, unda handak bakunjangan banar haja Sur-ai. Kabalujuran Suwanang Burut ma-ungut jua di rumah, jadi unda bawa-i ka sini
Suanag	: Karamput! Kami ka sini handak badatang,
Isur	: Oh..mandatangakan siapa Nang?  Nyawa sudah ba-isian bini kalu
Nanang	: Jadi kaya ini Sur. Unda ka sini handak mambawa habar haja. Kamarian si madi gabuk wan Ifin Jambul bapadah minta tulung mandatangakan inya wan ading nyawa si Aluh Piyai. Unda sudah mamadahi, jar unda, lamun kawa kada usah gin. Kalu pina kada ditarima kaina manyupani haja. Tapi bubuhan nang badua ngitu karas banar handak wan ading nyawa. Unda yakin banar nyata kada nyawa tarima, ya kalu Sur
Isur	: Hau kanapa nyawa bapandapat kaya itu badahulu
Nanang	: Cuba nyawa pikirakan bujur-bujur. Madi Gabuk ngitu, awak lamak banyu, kapala kada barambut, gawian ma-unjun haja, kayapa mambari makani ading nyawa? Ading nyawa sing langkaran. Kaya itu jua Ifin Jambul. Awak kurus, gigi sudah kada tapi banyak lagi, gawian bawarung, gasan manukar pupur ading nyawa gin kada cucuk, ya kalu
Suanang	: Hau kanapa nyawa manyambati buhan nang badua ngitu. Maka nyawa handak mandatangakan
Nanang	: Husss...kada usah banyak pandir pian. Kaina putingnya pian tahu haja, pian dangarakan haja dahulu
Isur	: Harau dasar babujuran jar nyawa ngitu Nang-ai. Gasan nangapa unda malaki-akan ading unda wan bubuhannya ngitu. Sabujurnya unda kada bapilih jua mancari cagar ading ipar, asal wani bapandir, jangan manyuruh urang lain. Kaya nyawa nih, wani bapandir
Nanang	: Sayang unda sudah ba-isian bini Sur-lah?"
Isur	: Oh..kadapapa biar sudah ba-isian bini, asal kawa adil haja
Nanang	: Sabujurnya, unda kasihan wan ading nyawa nang sing langkaran ngitu lamun talaki wan Madi Gabuk atawa Ifin Jambul. Makanya unda badahulu mamadahakan, kalu-kalu buhan nang badua ngitu kada tahu supan bapadah di lurung wan nyawa. Naa..., katimbang buhannya nang ma-ambil bini ading nyawa, baik unda nang bapadah. Sabujurnya unda lawas banar bapadah handak wan ading nyawa Sur-ai, tapi unda kada nyaman soalnya sudah babini. Unda ni kawa haja handak bagawi nang harat Sur-ai, unda lulusan sarjana, banyak haja urang manawari gawian, tapi gajihnya sadikit haja, ada nang tiga juta, ada nang ampat juta sabulan. Tapi lamun nyawa manarima unda, kawa haja pang kaina mancari gawian nang bagajih sapuluh juta sabulan. Malaran tiga juta gasan mambantui nyawa di rumah, gasan Aluh Piyai ampat juta sabulan
Isur	: Bujuran kah nang, mun keitu unda tarima nyawa, tapi bjur kalo tiga juta
Nanang	: Bjuran, tapi kayapa wan aluh piyay
Isur	: Tenang ja nyawa, unda ampun urusan
Nanang	: Mun keitu, unda bulikai dulu, barunding wan kaluwarga
Isur	: Ayu ja, 3 juta lah
Nanang	: Sip.

Nanang dan suanang bulik karumah

Diwarung ipin dan madi berseteru, mereka memperebutkan aluh piyay

Madi	: nyawa tu kada pantas gasan aluh piyay
Ipin	: Kada nyawa lah, coba pang bacaramin muha
Madi	: unda nie masalah bacaramin jangan ditanya, dirumah tu anam caramin, di WC 2, dikamar 1 dikandaraan 2 nah di dompet unda sabuting, kurang apa lagi, nyawa tu yang kada suah bacaramain
Ipin	: (mengeluarkan kuda0kuda) handak bakalahiukah nyawa
Madi	: Nyawa kira unda takutan (mengeluarkan kuda-kuda)
Ipin	: (Berdo’a) jurus uban
Madi	: (Sloww Motion) (menghindar) oy gak kena
Ipin	: Sekali lagi
Madi	: (tidak dapat menghuindar) Aku kana Tunggu pembalasan si gabuk
Ipin	: silahkan
Madi	: (berdoa, mengeluarkan jurus) Jurus Upil
Ipin	: (berhasil mengelak, namun upilnya meledak) nah culas ba bom, kada usah haja dah pakai ilmu, kita pakai kekuatan awak ja, buktikan kejantanan
Madi	: Akur, lo jual gue beli (akhirnya mereka bertarung tasulait, Julak dudun dating)
Julak	: Unda mahalat
Madi	: han lho julak, mahalat kada bapadahan,
Julak	: Tasalah kah unda, aja beasa lah
Ipin	: Hiih Beasa ja (berkelahi lagi)
Madi	: (setelah lama julak kada mahalat) Julak lajui masuk, kami tasulait nah
Julak	: Ayuja unda lagi-lagi mahalat (berhasil dilerai) ada apa Gerang neh, musti masalah babinian (nanang wan suanang masuk).
Nanang	: beapa julak buhannya nih pina bacakut kaya kucing handak babini
Suanang	: musti masalah babinian
Julak	: Ko tau
Suanang	: soallnya muha buhannya kaya bencong, hahahahahaha
Nanang	: Buk nyawa kesini dulu nah (madi mendekati isur) Buk...unda minta maaf banar nah, unda sudah ba-usaha mandatang-akan nyawa lawan Aluh Piyai. Tapi si Isur Saluang kada manarima, jar inya, lamun cagar manarima nyawa, adingnya cagar kada kawa makan. Soalnya nyawa kada tapi panduitan. Manurut unda, baik nyawa bukti-akan badahulu, julungi si Isur Saluang duit lima juta gasan cagar jujuran. Kaina unda manjulung-akan
Madi	: keitulah nang, nah cek gasan nyawa 6 juta, pokoknya kita tenang haja
Nanang	: sip, pkonya urusan kita beres, aku mabah ini langsung kerumah isur saluang
Madi	: Aja
Nanang	: Pin kesini dulu unda membisiki (ipin mendekat, nanang pun membisiki)
Ipin	: Keitulah, ayuae to, nah unda ambilakan lah duit di laci warung (Ipin mengeluarkan duit dari laci).

Tiba-tiba aluh inaw, aluh piyay, aluh kaciput, aluh akay dan isur saluwang dating kewarung ipin jambul    

Aluh Inaw	: Uw...abahnya, lima tahun kita bakulawarga kada suah pian mambari ulun duit gasan ba-ulanja. Ngini hanyar badatang pian sudah manjulungi duit sapuluh juta. Duit nang pian julung ngitu duit Ifin Jambul wan Madi Gabuk. Pina musti pian ngini! Pian haja babini wan ulun,  ulun mambari makani. Lamun cagar babini pulang wan Aluh Piyai, cagar pian makani nangapa Aluh Piyai?
Suanang	: Makani pakai liyur
Isur	: Nangapa nyawa nang handak mandustai unda, wanikah nyawa mandustai unda
Madi	: sini duit unda bulikakan
Ipin	: Sini unda ambil angsul pulang
Julak	: nah ikam nang, tapiasat, makanya jarku baurusan bujur-bujur
Suannag	: Unda koler badusta
Aluh Inaw	: ayu abahnya kita bulik( menjewer telinag nannag klelepon)

Lampu Padam dan habis kisah.

********************Tamat********************

Selesai diketik tanggal 11 Desember 2011

Di Sekretariat Sanggar Ar-Rumi STAID

Untuk pentas malam tahun baru

HADANI HAD